நாணயங்கள் ஏன் வட்ட வடிவில் இருக்கிறது? 99% பேருக்கு தெரியாது!

நம் அன்றாட வாழ்வில் பணம் என்பது முக்கிய பங்கு வகிக்கிறது. ரூபாய் நோட்டுகள், சிறிய நாணயங்கள் என அனைவரும் தங்களுக்கு தேவையானவற்றை பைகளில் வைத்திருக்கின்றனர். பொதுவாக, 1, 2, 5 மற்றும் 10 ரூபாய் நாணயங்கள் வட்டமாக இருக்கும். ஆனால், இவை ஏன் வட்டமாக உள்ளது என்று நீங்கள் எப்போதாவது யோசித்திருக்கிறீர்களா?. இது வெறும் வடிவமைப்பு மட்டும் கிடையாது. இதற்கு பின்னால் அறிவியல், வரலாற்று மற்றும் நடைமுறை காரணங்கள் உள்ளன. தற்போது டிஜிட்டல் யுகமாக இருந்தாலும் கூட, நாணயங்களின் முக்கியத்துவம் குறையாமல் உள்ளது. இதுப்பற்றி இந்த பதிவில் விரிவாக பார்க்கலாம்.

பொதுவாக, நாணயங்கள் என்றாலே வட்டமாக தான் இருக்கும் என்று நாம் நினைக்கிறோம். ஆனால், பண்டைய காலங்களில் நாணயங்கள் சதுரம், வெவ்வகம், முக்கோணம் போன்ற வடிவமைப்புகளில் இருந்தது. இதற்கு பயன்படுத்தப்படும் உலோகம், உற்பத்தி நுட்பம் மற்றும் ராஜா அல்லது ராஜ்ஜியத்தின் சின்னத்தை பொறுத்து அவற்றின் வடிவங்கள் மாறின.

இந்தியா சுதந்திரம் பெற்ற பிறகு, முதலில் 1 ரூபாய் வட்ட நாணயம் 1950ல் வெளியிடப்பட்டது. அடுத்தடுத்த ஆண்டுகளில், 2, 5 மற்றும் 10 ரூபாய் நாணயங்களும் வெவ்வேறு வகைகளில் சந்தையில் அறிமுகப்படுத்தப்பட்டன. இருப்பினும், வட்ட வடிவம் அறிமுகப்படுத்தப்பட்டவுடன், அதை மாற்ற வேண்டிய அவசியமில்லை என்று அரசாங்கங்கள் கண்டறிந்தன. ஏனெனில், வட்ட நாணயம் மற்ற வடிவங்களை விட பல வழிகளில் சாதகமாக இருந்தது.

நாணயங்களின் வடிவத்தை வட்டமாக மாற்றுவதற்கான முக்கிய காரணங்களில் ஒன்று மதிப்பைப் பாதுகாப்பதாகும். பண்டைய காலங்களில், சதுர விளிம்புகளைக் கொண்ட நாணயங்களில் ஒரு சிக்கல் இருந்தது. மக்கள் அவற்றின் விளிம்புகளை சிறிது சிறிதாக வெட்டி, உள்ளே உள்ள தங்கம் அல்லது வெள்ளியை அகற்றியதாகவும், அவ்வாறு செய்வது நாணயங்களின் அசல் மதிப்பை இழக்கச் செய்ததாக கூறப்படுகிறது. ஆனால், வட்ட நாணயங்களின் விளிம்புகள் சமமாக இருப்பதால், அவற்றை வெட்டுவது மிகவும் கடினம்.இந்த காரணத்திற்காக, வட்ட நாணயங்கள் ஊழலைக் குறைத்து அவற்றின் அசல் மதிப்பைப் பாதுகாக்கின்றன.